Գլխացավ ցրտից։ Ինչու՞ է առաջանում և ի՞նչ անել. nairimed.com

Ձմռանն ավելանում է այն մարդկանց թիվը, ովքեր տառապում են ցրտի հետևանքով առաջացող գլխացավից։ Այն առաջանում է չպաշտպանված գլխի վրա ցածր ջերմաստիճանի ազդեցությունից, սառը ջրի հետ շփվելիս կամ սառը ուտելիք ուտելիս։

Այս խնդրին բախվում է աշխարհի բնակչության գրեթե 40%-ը, ընդ որում, կանայք տառապում են ավելի հաճախ, քան` տղամարդիկ։

Ի՞նչ է ցրտից ցավի առաջացման պատճառը։

Պատճառը մինչև վերջ պարզված չէ, սակայն հայտնի են նպաստող գործոնները.

• շրջակա միջավայրի ցածր ջերմաստիճանը՝ հատկապես ցրտաշունչ եղանակի և ուժեղ քամու համադրությամբ,
• սառը ջրում սուզվելը,
• գերսառեցումը,
• սառը ուտելիքը և ըմպելիքները. այո-այո՛, ինչ-որ մեկի մոտ կարող է գլխացավ առաջանալ նույնիսկ պաղպաղակից կամ սառույցով սուրճից։

Ի՞նչ անել

Այսպիսի գլխացավի բուժումն ախտանիշային է։ Առաջին հերթին, անհրաժեշտ է վերացնել պատճառը՝ ցուրտը։

• Տաքանալ այդ պահին ցանկացած հասանելի եղանակով․ կարելի է թեթև շարժումներով շփել դեմքը, ձեռքերը, մտնել տաք շինություն, խմել տաք ըմպելիք կամ տաք լոգանք ընդունել։ Պետք ալկոհոլ չընդունել, քանի որ այն միայն կվատթարացնի վիճակը։
• Եթե վերոնշյալը չի օգնել, և ցավը շատ է անհանգստացնում, կարելի է ընդունել պարացետամոլ կամ իբուպրոֆեն։ Չի կարելի երեք օր շարունակ ինքնուրույն ցավազրկողներ ընդունել․ պետք է խորհրդակցել բժշկի հետ։
• Փողոցում տաք հագնվեք, այն կարող է օգնել։

Հարցեր, պատասխաններ, մեկնաբանություններ